ظهرت شيماء سعيد، أرملة المطرب الشعبي الراحل إسماعيل الليثي، لأول مرة بعد انتهاء فترة العدة.

وكشفت أرملة المطرب الشعبي عن عمق حزنها لفقدان زوجها ونجله قبل عام واحد من وفاته، مؤكدة أن حياتها لم تعد كما كانت بعد رحيلهما.

حزن ومرارة على تيك توك

وفي بث مباشر عبر حسابها على تيك توك، قالت شيماء: "قضيت فترة العدة بأدب واحترام، لأنه كان أبويا وأمي والنفس اللي بتنفسه، أنا كنت عايشة علشانه ومكنتش بشوف غيره. كل اللي أذوني ودمرونا، مش هسامحهم، وهسيب ربنا ياخد حقي منهم. ربنا موجود والناس اللي بتأذي، الأذى وحش أوي".

وأضافت: "الشخص ده عايش وفاتح بيت ومخلف ولاد ليه كده؟ ابني وجوزي مات ومحدش رحمني، قالوا عليا أوحش كلام في الدنيا مع أنهم مشافوش مني غير كل حاجة حلوة. أنا بعامل ربنا مبعاملش حد".

رسالة مؤثرة للجمهور

وشددت شيماء سعيد على أهمية التسامح والتوكل على الله، قائلة: "العزيز مات والحياة والدنيا ماتت بعد رضا وأبو رضا. حكايتي أنا وإسماعيل خلصت بدري من قبل ما تبدأ. أنا مش عايزة غير دعواتكم ليه وليا. مفيش حاجة مستاهلة، على قد ما تقدري اعفي وسيبي اللي ليكي لرب الكون هو اللي هيجبلك حقك".