وقعت النجمة ريهام عبد الغفور للمرة الثانية ضحية مقلب النجم رامز جلال، الذي توعد بالثأر منها بعدما فشل في تخويفها عندما ظهرت معه أول مرة، ورغم أن رامز وصفها في مقدمته ب"بسكوتة الشاشة" إلا أنه تعمد تنفيذ مقالب الكرسي والثعبان ليدفعها للصراخ والبكاء.

رامز استقبل ريهام عبد الغفور بمقدمة ساخرة قائلا: ريهام عبد الغفور بسكوتة الشاشة وغريبة الدراما،، أنا مستنيها من زمان علشان الحلقة القديمة معرفناش نضحك عليها الناس.

وتابع: العبد لله عنيد مثابر المدام ديه لما جبتها قبل كدة رد فعلها مكيفينيش فضلت مستني اللحظة اللي آخد بتاري اليوم هو يوم العزة يوم الكرامة واسترداد حقي المسلوب الفنانة بنت الفنان بسكوتة الشاشة غريبة الدراما ريهام عبد الغفور.

وسخر من اطلالتها قائلا: لابسة أفرول ميكانيكي.. أو تحسها راحو حضانة.. وساعة رجالي دي بتاعة جوزها.. تحسها شغالة في بنزينة.

ريهام علقت على صورة رامز جلال قائلة: رامز دا مصيبة سودا، ودخلت عبد الغفور في حالة من الدهشة والصدمة فور رؤية رامز جلال في برنامج " رامز مجنون رسمي"، وقالت لجلال: أنا جهازي العصبي بيتوتر أول ما بشوفك.

وقام رامز جلال بتلوين شعر ريهام عبد الغفور، وهو ما أغضبها كثيراً وقالت له: ايه القرف ده شعري هيبوظ.

ومع بدء تنفيذ المقلب قالت ريهام عبد الغفور: اتقي الله  يا رامز، مش عارفة اتنفس قلبي هيوقف.

ووصفت ريهام رامز بالشخص البارد ومعدوم الاحساس ولكنها صالحته سريعا ووافقت على عرض الحلقة.