زمان قبل ما يكون عندنا فساد كبير

 ونهب كبير للمال العام

 وسرقة عينك عينك 

وخصخصة ورشوه ودسدسة

زمان كانت فوسفاتاتنا وبوتاساتنا وسياحتنا وتجارتنا وصناعتنا وزراعتنا واتصالاتنا ومواردنا، مكفياتنا وعايشين وماشيه الأمور والحمد لله.

وزمان كان فيه زيادات مستمرة لا تتوقف على رواتب الموظفين والعسكريين والمتقاعدين من الطرفين تتناسب مع احتياجاتهم واحتياجات عائلاتهم وعيشهم بشرف وكرامة.

وزمان كان فيه عيديات ومساعدات بالمناسبات الوطنية تفّرح الموظفين والعسكريين والمتقاعدين وعائلاتهم وتفرج كربهم وتسد ديونهم.

 

زمان لما كان سُلم رواتب واحد لكل موظفي الحكومة وسُلم رواتب واحد لكل الجيش والأجهزة الأمنية، وكان يشعر الكل بقيمة العدل والمساواة واقعاً معاشاً مما ينعكس إيجاباً على انتمائهم الصادق للوطن. 

زمان لما كانت الحياة سهلة حتى للي ماعنده راتب كانت الأرزاق أكثر وأوفر  وأسهل وفيها بركه.

زمان لما كان الناس قلوبها على بعض وكان قلب الحكومة على الشعب .

زمان لما كان النواب رجال الهم وزن وكان الوزراء والمسؤولين كمان رجال وكلهم كانوا بخدمة الوطن.

زمان ما كانت الحكومات حاطه أيدها بجيبة المواطن وما كانت تزيد الأسعار وتفرض الضرائب (عشان) تغطي على فشلها وفسادها.

زمان ما ورطت الحكومات البلد بمديونيات هائلة وحملت مسؤولية سدادها على المواطن. 

 

زمان لما (ما كان) عندنا هيئات ومؤسسات مستقلة ، رواتب مدرائها أكثر من راتب الرئيس الأمريكي، ورواتب موظفيها اكثر من رواتب الوزراء ، وفُصلت تفصيلاً لابناء الذوات ويتقاطع عملها مع عمل الحكومة وتستنزف موازنة الدولة ومواردهاكان الوطن بخير .

 وحل كثير من مشاكلنا الآن هو في إلغاء هذه المؤسسات الذي سيوفر أموالاً هائلة توفر زيادات لكل الموظفين والمعلمين ولمنتسبي الجيش والأجهزة الأمنية والمتقاعدين المدنيين والعسكريين ،  فمن يستطيع ان يفعلها ، (إنها وصفة الخروج من مشاكل الرواتب المتدنية للموظفين المدنيين ومنتسبي الجيش  والأجهزة الامنية والمتقاعدين من الطرفين)

زمان لما كان عندنا ديوان موظفين عنده معياران فقط للتوظيف في الحكومة

 1- أقدمية التخرج 2- المعدل وكانت التعيينات تتم بكل شفافية ووضوح.

زمان لما كان عندنا وزارة تموين تمنع رفع الاسعار غير المبرر على المواطن وتمنع الغش في مواصفات البضائع وتحاسب الدولة من يخالف ذلك وتنشر اسماء الغشاشين في الصحف اليومية .  

زمان قبل ماينهبوا بلدنا الحيتان ويتقاسموا مواردها وخيراتها ويفقروها ويخلوا الناس فقراء على الحديدة

زمان لما كنا نزرع قمحنا ونأكل خبزنا من قمحنا

زمان لما كان للشيوخ قيمة وللمخاتير قيمة وللمعلم هيبة وللأب هيبة ولرئيس الوزراء هيبة وللمواطن كرامة.

زمان كنا بخير