أكدت الفنانة المصرية إلهام شاهين في مداخلة هاتفية مع برنامج (القاهرة اليوم)، عن رفضها إصرار البعض في الرجوع إلى الدين في مسالة التبرع بالأعضاء وقالت: "أنا شايفة إنه موضوع مهم جداً جداً، موضوع إنساني قبل أي شيء، وكفاية بقى يفضلوا يقولوا طب نسمع رأي الدين".

وتابعت شاهين: "كل الشيوخ المحترمين قالوا لنا رأي الدين وإن ده هيبقى صدقة جارية على روح المتوفى، بعد ما أموت أجزاء مني إذا كان فيه أجزاء صالحة وتقدر تشفي أي مريض ودي صدقة جارية على روحي ومش بس أنا بفيد المريض أنا بفيد نفسي".

وأضافت: "أنا سمعت آراء من الشيخ خالد الجندي والدكتور سعد الهلالي، وده رأي الدين والناس بقى تبطل تجادل في هذه الأمور واللي عايز يعمل خير يعمل خير واللي مش عايز هو حر وإحنا مش هنحاول نقنعه يعمل خير لكن ميهجمناش ويمنعنا إحنا من عمل الخير".

وتحدثت إلهام شاهين عن حجج من يهاجمونها والذين يقولون: "جسمك ده مش ملكك وده ملك الله وانتي مش من حقك تتبرعي بيه وانتي كده تبقي ضد الدين" متسائلةً: "فيه واحد مات غرقان والسمك أكل جسمه وواحد اتحرق وواحد مات في حادثة واتفرم وده هيعمل إيه وهيتحاسب إزاي؟".

وأكدت إلهام شاهين أنها لم تقرر رسمياً بالتبرع بأعضائها بعد وفاتها في الشهر العقاري، وقالت: "أنا عاملة فيديو صوت وصورة وأنا بقول إني متبرعة بأعضائي بعد الوفاة".