علقت الفنانة المصرية وفاء عامر على دور شقيقتها أيتن عامر في مسلسل "مكتوب عليا"، الذي عرض في موسم دراما رمضان 2022.

وتحدثت وفاء عامر في لقائها مع شقيقتها ببرنامج "معكم"، مساء الخميس، عن أيتن قائلة: "قلت لها أرجوكي كفاية سحسحة ونحنحة فضحتيني".

وروت أيتن عامر كواليس مشاركتها في المسلسل، قائلة: "لما عرضوا شخصية (روقة) عليا قعدت بيني وبين نفسي أقول هي هتليق عليا ولا لأ؟ كنت خايفة الصراحة لأني مش بشوف نفسي ممثلة كوميدية".

وأضافت أنها "كوميدية في المنزل مع أهلها، ولكن هذا ليس مقياسا مع الجمهور"، معقبة: "إني أضحك أهلي حاجة، لأنهم عارفين شخصيتي غير لما بعمل شخصية حد تاني وأضحك من خلالها، هو ده اللي بيخوفني، من الطبيعي حد يكون شايف حد تاني دمه تقيل جدا بس أهله شايفينه إسماعيل يس".

من جهة أخرى، كشفت أيتن عامر تفاصيل موقف مؤلم دائما ما تتذكره، تعرضت له في أثنءا قضاء إجازة الصيف، وتتمنى أن يسقط من وعاء الذاكرة.

وقالت: "كنا في قرية بالعجمي (شمالي غرب القاهرة) اسمها الشروق كنت وأنا صغيرة عارفة اسمها لكن معرفش الشارع اسمه إيه، فيه مرة مشيت كتير، وبدأت أعيط لأني مش عارفة أهلي فين؟".

وأضافت: "وأنا بعيط، قابلت ست طيبة، قولتلها إني تايهة عن أختي الكبيرة، قالت لي إنتي ساكنة فين قولتلها في الشروق ومش عارفة رقم حد إلا رقم أختي في القاهرة، فقالت لي إحنا عايزين نكلم أختك اللي في القاهرة تقول لأختك الموجودة في الإسكندرية عشان تقدر توصل لمكانك".

وأوضحت أيتن عامر أن السيدة استضافتها في فندق يطل على البحر في البيطاش، واتصلت بشقيقها وفاء عامر، وعن طريقها تم حل المشكلة.