كتب المواطن السوري عباس جمال المقيم بالأردن موقفاً حصل معه ووصفه بالرائع والاخوي من قبل أحد رجال الأمن العام العاملين بالميدان (النجدة) وتالياً ما كتبه عباس جمال.. 

من شوي صار معي موقف انا سوري مقيم في الاردن

تخيل ماشي وبتفكر وبراسك الف مشكله ومهموم بتدخن سيكاره مع كاسة القهوة ومودك معكر

توقفك دورية نجده رجل امن عام طول بعرض 

رجل الامن العام : لو سمحت معك هوية ممكن هويتك

انا : نعم يخوي معي على راسي

رجل الامن العام : انت محترم

انا : انت اكتر

ضرب على اسمي يعني فيش اسمي بعدين واعطاني هويتي الخاصه بالجاليه السوريه في الاردن ( تفضل انت اخوي ) الله يسهل عليك انتبه على حالك 

كان نفسي اعبطو احضنو ابوسو بس حكيت الرجل على رأس عمله ما بصير

تغير مودي هلا مابعرف هو يمكن لانه الي صار فينا نحن السوريين حزنان علينا بس صدقا صرت مبسوط الكلام الحلو الاخلاق العاليه و( انت اخوي ) هيك من دون اي سبب دائما بفكر شو المقياس لما بختارو رجال الامن في الاردن بس انا اثق ومتاكد انه اول مقياس هو الاخلاق العاليه اقسم بالله نسيت كل مشاكلي وحاس حالي مبسوط

الله يحمي سوريا و الاردن وربنا يرحم شهداء الزلزال ويساعد كل متضرر منه ويديم على الاردن الامن والامان يارب ❤