انتقدت النجمة المصرية نجوى إبراهيم في برنامجها الإذاعي «بيت العز» فساتين الفتيات والفنانات خلال الحفلات الحديثة بسبب جرأتها الكبيرة وعرضها المبالغ للمفاتن والقصات التي تهدف فقط للإثارة والتهييج.
وقالت: «تبص تلاقي في حاجات مجنونة جدا، ليه دلوقتي الستات لما تروح مناسبات، أو حتى أفراح، بلاش مش هتكلم عن التكريمات والمهرجانات، إيه الفتحة الفظيعة اللي بالعرض، وإيه الفتحة الفظيعة اللي بالطول؟ فكري كدة يا حبيبتي، وشوفي يعني إيه الفتحة اللي بالعرض عند الصدر، والفتحة اللي بالطول اللي عند الرجل، ترضي برضه كدة؟».
وأضافت: أهو برضه دول الناس اللي هما الفستان بـ100 ألف جنيه، وطبعا في ناس دلوقتي هتقولي إيه؟ إيه الفقر دا 100 ألف جنيه! دا مش أقل من مليون».
وتثير الملابس الساخنة للممثلات المصريات أزمة خلال مشاركتهن في مهرجانات وحفلات فنية، فمثلا للمرة الثانية تثير الممثلة رانيا يوسف الجدل حول ارتدائها فستانا مثيرا، اعتبره الجمهور المصري استفزازا مقصودا من سيدات الوسط الفني للشعب المصري.
ويرى المنتقدون أن عددا من الممثلات اللاتي ظهرن مؤخرا بإطلالات مثيرة، قمن بذلك للفت الأنظار إليهن، خاصة وأنهن لسن من نجمات الصف الأول، بالإضافة لأخريات يظهرن بشكل مثير في هذه المناسبات من باب المكايدة والتفاخر داخل الوسط الفني.