مواطن أردني يكتب : نخوة وفزعة نشامى الأمن العام، ويشكر جلالة القائد الأعلى للقوات المسلحة..

المواطن كاظم البقاعين، يشكر الأمن العام وأحد ضباط الدوريات الخارجية، ويروي ما حصل معه في طريقه من محافظةِ الكرك لمحافظة إربد، 

تالياً ما كتبه كاظم البقاعين. 

في طريقي من محافظة الكرك الي اربد واجهتني مشكلة في السيارة و فورا وقفت في منطقة ضبعة و نزلت اشوف المشكلة ، و مباشرة وقف باص صغير و نزل منه شباب اثنين و سألني صاحب الباص "ويش في يا خال ؟ الحمد لله ع السلامة" و حكيتله السيارة ارتفعت حرارتها و المي ناقصة معي و مباشرة راح ع باصه و جاب مي و ما كانت كافية .. راح ع الشارع و صار يأشر للسيارات و يوقفهم و يطلب منهم مي كأنه سيارته -لا سمح الله- اللي فيها المشكلة و فعلا جاب مي و بلش يدير في السيارة و في هاللحظة بتوقف سيارة الدوريات الخارجية و بنزل منها النقيب سنان طراونة و النشمي الي معه و بحكيلنا "السلام عليكم و الحمد لله ع السلامة ان شاء الله ما في اشي" و حكيتله الي صار معي و كانت المشكلة كل ما نزيد مي في السيارة بتروح المي و بتنقص .. سنان بيك شَكَر الشباب و حكالهم خلص توكلوا على الله انتوا و حكالي "اسمع يا بقاعين السيارة ما رح توصلك اربد و رح تقطعك، اطلع قدامي و انا رح اضل وراك ما رح اتركك غير لما توصل على الميكانيكي و سجل رقمي عندك و اي اشي بتحتاجه ع الطريق احكي معي" و فعلا ضل ماشي في الدورية وراي لحتى وصلنا زيزيا عند الميكانيكي و نزل معي و حكى للشباب يفحصو السيارة و الحمد لله مشت الامور ..