شذى تهاجم حسن شاكوش

استفزت التصريحات التي قالها الفنان حسن شاكوش خلال لقائه مع الإعلامي عمرو أديب عبر برنامج "الحكاية" المعروض على فضائية MBC مصر:، والتي واتهم فيها الفنان محمد حماقي بسرقة لحن أغنية " حاجة مستخبية" من أغنية تركية، الفنانة شذى التي أعربت عن غضبها الشديد من هذا الأمر لتشن هجوماً حاداً عليه.

وطالبت الفنانة شذي، حسن شاكوش بضرورة الاهتمام بتثقيف نفسه جيداً قبل اتهامه للآخرين دون أي دليل، خاصة وأن الأغنية التركية تم طرحها بعد عامين من طرح أغنية محمد حماقي.

وكتبت شذى، منشوراً عبر حسابها على "فيسبوك" هاجمت من خلاله حسن شاكوش.. قائلة: "كنت بضحك وعايزة أكسر التليفزيون من كمية الاستفزاز، وبالأخص الجزء بتاع الرد إن محمد حماقي أصلًا سارق اللحن من أغنيه تركي؟ وأساسا الأغنية التركي نازلة بعد أغنيه حماقي بسنتين على الأقل".

وتابعت:" أغنية حماقي من 2012 جايبة 16 مليون بس؟ نقف بقى هنا.. أولًا لما نجحت أغنية وسارق لحنها، طيب كنت من باب العلم بالشيء ثقف نفسك واعرف تاريخ اللحن ده إيه، ومين اللي واخده من مين.. تاني حاجة قصدك إيه بأغنية حماقي جايبة 16 مليون بس، إنك أجمد وكده من حماقي! ما هو مش معنى إن في هوجة وانحدار في الذوق، تتخيل أنك جامد أوي.. وتتكلم بتعالي كأنك مغني قصيدة الأطلال".

وأضافت شذى، "والله أمثلة بجد تكره الواحد في اليوم اللي فكر يسيب فيه حاجات كتير بيحبها، علشان يخبط في العالم دي.. ولقب فنان ده يتقال على كل من هب ودب، وبقى مقياس النجاح وتقدير حجم الموهبة مربوط بـ views، وحسابات أبعد ما تكون عن المهنية والفن لنا الله والله".