متابع لـ رامي جمال: ربنا ابتلاك بمرض وبرضو بتغني

تعرض المغني المصري رامي جمال، لهجوم شديد من قبل أحد المتابعين، فور طرحه لأغنيته الجديدة "أدبتنا الدنيا"، والتي تأتي ضمن ألبومه "يستاهل بوستين".

ووجه المتابع رسالة قاسية ساخرًا منه ومن غنائه قائلاً: "يا أخي أنا مش فاهم يعني ربنا جابلك مرض وعانيت منه كتير أوي وبعد ما ربنا شفاك راجع بردو تغني وإنت عارف إن الغناء حرام إنت مستني يحصلك إيه تاني".

ومن جانبه، رد الفنان رامي جمال بالرد على هذا التعليق، عبر خاصية "استورى" بموقع "إنستجرام"، وبنشر صورة للتعليق ورد عليه قائلاً: "بص يا سيدي.. أنا ربنا رضاني والحمد لله.. لسه الابتلاء زي ما هو.. بس لو عايز الحقيقة إنت اللي محتاج علاج من كلامك اللي زي الرصاص".

وتابع قائلاً: "لو أنا غلط في حاجة تعتقد إن طريقتك دي ممكن تبقي الصح.. أنا للأسف كنت بشوف آراء الناس الإيجابية والنقد البناء واللي طمعانين في حاجة أفضل، لأن دائمًا في أفضل طبعًا.. فشوفت كلامك على الصبح.. ومش هقولك غير ربنا يسامحك على القسوة".

وأضاف: "أنا واثق إن كلامك مش حب.. واللي هيحاسبنا ربنا.. يا عالم مين أحسن من مين.. وكلنا بشر مش أنبياء ممكن نخطئ ونصيب والهداية من رب العالمين.. يومك أجمل من قلبك إن شاء الله".

الجدير بالذكر أن الفنان رامي جمال أعلن في وقت سابق إصابته بمرض البهاق، وتفكيره في الاعتزال اعتقاداً منه أن الجمهور لن يتقبله بتلك الحالة.

وحرص عدد كبير من نجوم الوسط الفني في مصر والعالم العربي، على دعم المطرب المصري الشاب رامي جمال، بسبب الأزمة النفسية التي كشف عنها إثر إصابته بمرض "البهاق"، وفشل محاولات علاجه.

وتراجع رامي عن قرار الاعتزال وطالب مَن يتعرَّض للإيذاء أو التنّمر بسبب إصابته بمرض البهاق بالتواصل معه حتى يشرح له أفضل طريقة للتعامل مع الآخرين.

وطرح رامي جمال، الثلاثاء، أحدث أغانيه "أدبتنا الدنيا" ، عبر قناته الرسمية بموقع الفيديوهات الشهير "يوتيوب".

الأغنية من كلمات إبراهيم جاد، وتوزيع وسام عبدالمنعم، وألحان محمد أنيس، وإنتاج نجوم ريكوردز، وتصوير وإخراج شادى قاسم.

وحققت الأغنية نسب مشاهدة عالية تجاوزت 160 ألف مشاهدة في أقل من 24 ساعة بعد طرحها، وتفاعل عدد كبير من الجمهور معه فور طرحه للأغنية وأبدوا إعجابهم بها.

وتقول كلمات الأغنية:

الهدوء والابتسامة مقصودين وبدم بارد

ولا جاية تجسي نبضي كل شئ في الدنيا وارد

ع العموم مش فارقة حاجة إحنا أكتر من بعدنا

عيشتي بعدي وعشت بعدك من الحكاية شيلنا إيدنا

أدبتنا الدنيا وإحنا اللي نستاهل حسابها

هي غلطة وجت ف ثانية ضعنا من بعض بسببها

وإحنا ملناش حق نزعل أو نعاتب بعض حتى

كل واحد فينا كان ليه حاجة ف التاني وسابها

فاكرة لما البعد خدنا وانتي سلّمتي ورضيتي

شوفي حالي ازاي بقيت وانتي بردو إزاي بقيتي

رامية نفسك جوا حضن غريب ومش مرتاحة فيه

وأنا رامي نفسي في حضن عارف عمره يوم ما هيبقى بيتي