تامر حسني يتوقف عن نشر الأغاني احتراما لشهر رمضان

اعتذر الفنان المصري تامر حسني، لجمهوره، الأربعاء، بعدما اتخاذه قرارًا بعدم مُشاركة أي أغنية عبر حساباته على منصات التواصل الاجتماعي طوال شهر رمضان المبارك، احتراما له. وشارك حسني مقطع فيديو، لأحد المواهب عبر حسابه في إنستغرام ، وهو يقدم أغنية أصعب إحساس، وعلق عليه قائلا: "يا شباب في الشهر ده معلش مش هنزل أغاني، وده آخر فيديو وصنلي بنزله دلوقتي.”

وأضاف: "أحسنت، صوت وإحساس وشخصية في الغناء جميلة جميلة وقبول جميل.. ربنا يوفقك يا حبيبي.. والله لمست قلبي.. بإحساسك وباختيارك للأغنية دي تحديدًا.. وإنّ شاء الله في العيد هرجع أنزل كل فيديوهات حبايبنا الموهوبين بزيادة.. رمضان كريم”. وكتب الفنان المصري عبر حسابه في فيسبوك، "الستوري الشهر ده إن شاء الله فيه كلام مهم نسمعه كلنا ونعرفه، ونعرّفه لبعض عشان نكون سبب خير لبعض إن شاء الله، كل سنة وأنتم طيبين ويا رب في الشهر الفضيل ده كل حد فيكوا طلب حاجه من ربنا.. ربنا يحققهاله ويفرح قلبه بيها إن شاء الله قولوا آمين وادعوا كتير”.