المحادين يكتب من فضل الحكومة مو ناقصنا اشي
الشريط الإخباري :
انا مواطن اردني من فضل الحكومة مو ناقصني اشي غير مصاري وبيت وسيارة وتعليم اولادي وتأمين صحي
كل مشاكلي صغيره زي تراكم فواتير المي والكهربا وهاي شغله بسيطه مو كثير متذايق منها
من حيث الرفاهية الحمدلله ما في سجن الا ودخلته باب الهوى وبيرين والهاشمية والجويده حتى سجن القطرانه دخلته على قضايا فساد زي اجرة البيت المكسوره ومش ملحق طلبات للتنفيذ القضائي لقضايا فواتير الاتصالات والنت
الفواكه واللحمه ما بتفرق معي لو شوفتها بالسوق و ما معاي اشتريها بسبب القناعه والكفاف اللي عندي وارشادات الحكومة بشد الاحزمة
مو ناقصني غير امنية وحده ( تسونامي ) يشيل هالمسؤولين اللي بالبلد وما يخلي واحد فيهم وهيك بكون ارتحت لو حطوني بقبر بالهاشمية
وصفي المحادين
