النائب السابق الرواشدة يعلق على كازينو العقبة : " استحوا على حالكم " .. "البلد هاشمي " ..
الشريط الإخباري :
خاص
نشر النائب السابق وصفي الرواشدة عبر الفيسبوك رسالة ردا على تداول تصريح لرئيس سلطة منطقة العقبة يقول انه مع انشاء كازينو بالعقبة .
الرواشدة وجه رسالة قاسية لقيت اعجاب الاف المتابعين عبر مواقع التواصل الاجتماعي
وتاليا نص الرسالة
كازينو،،،،
تفتق عقل المسؤولين لدينا وكحل للمشاكل الاقتصادية التي تواجه الأردن ففكروا بفتح كازينو في العقبة ،،،
بالمرة ، طالما تفتق دماغكم وكلحتوا فاقترح عليكم ولكونه اصبحت الغاية عندكم (جلب مصاري) تبرر الوسيلة مهما كانت اقترح ما يلي :
• . الغمر والباقورة رجعن ، استثمروهن في زراعة الماريجوانا ، عندكم حوالي (٩٠٠٠) دنم بجيبوا الكم حوالي مليار دينار سنوي .
• . بالمرة وانتوا فاتحين الكازينو جيبوا عشرة آلاف مومس وكل وحدة شغلوها يومي بمبلغ (١٥٠) دينار وهيك رح تكسبوا من وراهن حوالي نصف مليار دينار سنوي .
مع الكازينو رح يكون دخلكم حوالي ثلاثة مليارات دينار .
بس لا تنسوا تعملوا ثلاث هيئات جديدة :
هيئة للكازينو
وهيئة للدعارة
وهيئة الانبساط والكيف .
فعلا الي استحوا ماتوا ، وطق عرق الحيا عندكم واصبحتم بلا أخلاق ولا شرف فوق ما انتم بلا كرامة ،،،
كان الأولى فيكم تكفوا ايديكم عن أموال الشعب وتجتثوا الفساد حتى ما توصلوا البلد إلى هذا الحد ، لانه خيراته وموارده تكفي شعبه ،،،
وبعدين نسيتوا ان الاردن بلد (هاشمي) يعني الي بيحكمه من سلالة النبي محمد صلى الله عليه وسلم مو من سلالة ابو لهب .
عيب عليكم واستحوا على شعبنا وعلى قيادته ولا تهدموا آخر مدماك في علاقة الشعب مع الملك ،،،
